"VAZ" markalı minik avtomobili yol kənarındakı su kanalına aşıb.

Fövqəladə Hallar Nazirliyinin "112" qaynar telefon xəttinə daxil olan məlumata əsasən, Sabirabad rayonunda "VAZ" markalı minik avtomobili yol kənarındakı su kanalına aşıb. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri 1980-ci il təvəllüdlü Nuhiyev Zamin Sahibəli oğlunun və 1955-ci il təvəllüdlü Nuhiyev Sahibəli Seyidəli oğlunun meyitini, müxtəlif xəsarətlər alaraq sıxılmış vəziyyətdə qalan 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.