Gənclərin filmləri nümayiş olunacaq

“Azərbaycan mədəniyyəti ekranda” adlı kino proqramı çərçivəsində 25 iyun 2019-cu il tarixində saat 19:00-da Nizami Kino Mərkəzində "Gənclərin qısa filmləri" axşamı təşkil olunacaq.
Tədbirdə gənc rejissorların son illərdə dövlət sifarişi ilə çəkdikləri və beynəlxalq festivallarda uğur qazanmış aşağıda qeyd olunan filmlər nümayiş etdiriləcək:
- "Ayaqqabı əməliyyatı" - rejissor Pərviz Həsənov (“Debüt” studiyası)
- "Balaca" - rejissorlar Orxan Ağazadə, Ruslan Ağazadə (“Azərbaycanfilm”)
- "Sənin sevdiyin musiqi" - rejissor Ceyhun Türksoy (“Azərbaycanfilm”)
- "Estakada" - rejissor Fuad Tofiqoğlu (“Narimanfilm”)