Azərbaycan beynəlxalq reytinqlərdə irəliləməsi təcrübəsini bölüşəcək

İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı “Özbəkistanda islahatların inkişafının ölçülməsi: Beynəlxalq reytinqlər və indekslər” mövzusunda beynəlxalq konfransda açılış panelində iştirak edəcək.
Bu barədə “Report”a qurumdan bildirilib.
Məlumata görə, V.Qasımlı Prezident İlham Əliyevin rəhbərliyilə Azərbaycanda yaradılan iqtisadi islahatların idarə edilməsi modeli barədə çıxış edəcək. İİTKM-in üç əsas fəaliyyət istiqaməti - iqtisadi təhlil, monitorinq və qiymətləndirmə, islahatların və iqtisadi nailiyyətlərin kommunikasiyası arasında funksionallıq barədə təqdimat olunacaq. Xüsusilə də konfrans iştirakçıları ilə Azərbaycanın beynəlxalq reytinqlərdə irəliləməsi və beynəlxalq qurumlarla əməkdaşlıq, həmçinin dövlət-özəl dialoqu əsasında islahatların dizaynı, qəbulu, realizasiyası və qiymətləndirilməsi barədə təcrübə bölüşdürüləcək.
Tədbirdə Özbəkistanın dövlət qurumlarının rəhbər şəxsləri, BMT başda olmaqla beynəlxalq təşkilatların nümayəndələri və dünyada tanınmış iqtisadçıların iştirakı planlaşdırılır.



Xəbərlər  Tarix:   23 Noy 2020 / 11:21


« Əvvəlki xəbər (1052 / 5298) Növbəti xəbər »
 






DİGƏR MARAQLI XƏBƏRLƏR