ÜST COVID-19-un yeni mutasiyalarının yayılması ilə bağlı vəziyyəti qiymətləndirib

Koronavirusun Britaniya ştammı artıq 60 ölkə və ərazidə aşkar edilib.
“Report” “RİA Novosti”yə istinadən xəbər verir ki, bu barədə Ümumdünya Səhiyyə Təşkilatı (ÜST) həftəlik hesabatında bildirib.
“12 yanvar tarixindəki son yeniləmədən bu yana daha 10 ölkədə/ərazidə VOC-202012/01 mutasiyası aşkar edilib. Bu günə qədər ÜST-nin altı bölgəsində 60 ölkə bu ştammın aşkar olunduğunu bildirib”, - təşkilatın saytında dərc olunan sənəddə deyilir.
ÜST həmçinin ilk dəfə Cənubi Afrikada aşkar edilən koronavirusun digər mutasiyası olan 501.V2 ştammının daha ​​üç ölkədə tapıldığını açıqlayıb. Qeyd olunur ki, hazırda COVID-19-un bu variantının aşkar edildiyi ölkələrin sayı 23-ə çatıb.
Hesabata əsasən, son bir həftə ərzində dünyada 4,7 milyondan çox yeni yoluxma hadisəsi qeydə alınıb. Bu rəqəm bir həftə əvvələ nisbətən 6 % azdır. Eyni zamanda ölüm sayı rekord səviyyəyə çatıb - 93 mindən çox olub. Bu isə öncəki hesabatla müqayisədə 9 % çoxdur.



Xəbərlər  Tarix:   20 Yan 2021 / 12:14


« Əvvəlki xəbər (2775 / 7293) Növbəti xəbər »
 






DİGƏR MARAQLI XƏBƏRLƏR