KİV: "Almaniya İkinci Dünya müharibəsindən bəri ən pis iqtisadi böhranla üz-üzədir"

Almaniya İkinci Dünya müharibəsindən bəri ən pis iqtisadi böhranla üz-üzədir.Britaniyanın “Financial Times” nəşri yazıb.
Proqnozlara görə, ölkə iqtisadiyyatının sonu Almaniya hökumətinin Rusiyadan enerji daşıyıcıları tədarükünə embarqo qoyacağı halda mümkündür. Proqnozlara görə, Almaniyanın ÜDM-i 2022-2023-cü illərdə 6,5% azala bilər ki, bu da ölkə iqtisadiyyatına mənfi təsir göstərəcək.
Bundesbankın hesablamaları göstərib ki, Rusiyadan gələn mavi yanacaqdan dərhal imtina Almaniyaya 2022-ci ildə ÜDM-də 180 milyard avroya başa gələcək. Ukraynada vəziyyətin gərginləşməsi və ardınca Rusiyadan enerji resurslarının tədarükünə embarqo qoyulması halında Almaniya iqtisadiyyatı bu il 2% itirəcək. Bununla yanaşı, artıq 7,3%-ə çatan və son 40 ilin ən yüksək göstəricisi olan inflyasiya səviyyəsi 8,8%-ə kimi arta bilər.
Bundan əlavə, “Deutsche Bank”ın vitse-prezidenti Karl fon Ror daha əvvəl Rusiyadan enerji idxalının məhdudlaşdırılması ilə Almaniyada inflyasiyanın sürətləndiyini açıqlamışdı. Bankir proqnozlaşdırır ki, 2022-ci il ərzində bu, 7-8%, bəlkə də 10%, enerji idxalının daha məhdud olacağı halda isə ikirəqəmli göstəricidə olacaq.