Aİ ölkələri Rusiyanın enerji resurslarından imtinada bir-birini dəstəkləyəcək

Avropa İttifaqı üzv ölkələri Rusiya enerji daşıyıcılarından imtina etməkdə bir-birini dəstəkləyəcək.Aİ Şurasının prezidenti Şarl Mişel tvitter hesabında paylaşım edib:
“Aİ üzv ölkələrinin bəzilərinə qaz təchizatının kəsilməsinə dair “Qazprom”un qərarı Rusiyanın daha bir birtərəfli aqressiv addımıdır. Biz Rusiyadan enerji idxalını mərhələli şəkildə aradan qaldırmaqda bundan sonra da bir yerdə olacaq və bir-birimizi dəstəkləyəcəyik”.
Aİ rəsmisi məsələ ilə bağlı Polşa və Bolqarıstan baş nazirləri T.Moravetski və K.Petkovla təmasda olduqların da qeyd edib.