Rusiya bir qrup avropalı diplomatı “arzuolunmaz şəxs” elan edib - YENİLƏNİB

Mayın 18-də İspaniya və İtaliyanın səfirləri Rusiya Xarici İşlər Nazirliyinə çağırılıb.Moskva müxbirinin Rusiya XİN-ə istinadən verdiyi məlumata görə, İspaniya və İtaliya hakimiyyətlərinin Rusiyanın diplomatik nümayəndəliklərinin müvafiq olaraq 27 və 30 əməkdaşını “arzuolunmaz şəxs” elan etmək barədə təxribat xarakterli və əsassız qərarı ilə əlaqədar səfirlərə etiraz təqdim olunub. Bu qeyri-dost addımın Rusiya-İspaniya və Rusiya-italiya münasibətlərinə mənfi təsir göstərəcəyi vurğulanıb.