"Mətbuatımızın doğum günü"

"Mətbuatımızın doğum günü"
19 əsrin ikinci yarısından başlayan elmi-texnikanin inkişafı hər sahədə olduğu kimi, mətbuat sahəsi də inkişaf edib, genişlənirdi.
Əlaqələrin məhdud olduğu bir dövrdə hər hansı bir çap məhsulu böyük əhəmiyyət kəsb edirdi.
Ömrünü xalqına həsr etmiş böyük mütəfəkkir Həsən bəy Zərdabi millətin səsini duyurmaq, o dövr çar Rusiyasının müstəmləkəsi olan Azərbaycanda baş verən hadisələri geniş ictimaiyyətə çatdırmaq üçün mətbuatın inkişafını zəruriliyini ortaya qoydu.
Dövrün tələblərinə uyğun olaraq yalnız beş bölmədən ibarət çap olunmasına icazə aldığı "Əkinçi" qəzetinin ilk tirajına nail oldu. Həsən bəy Zərdabinin bu nailiyyəti sonradan yaranacaq mətbuat orqanların ilk qaranquşu oldu.
Bu gün Azərbaycanda saysız-hesabsız kütləvi informasiya vasitələri fəaliyyət göstərir. Onların biri də bugün öz sözünü demiş "Uğur media" Xəbər və İnformasiya Yayın Agentliyidir ki, yarandığı gündən öz aktuallığı və operativliyi ilə özünü təsdiq edib.
"Uğur media" Xəbər və İnformasiya Yayın Agentliyinin xidmətləri geniş şaxəli olmaqla yanaşı, eyni zamanda doğru və qərəzsizdir. Məhz bu səbəblə fəaliyyətinin əsasını hüquqi xidmətlərə həsr edib. Dövlətin siyasətinin dəstəklənməsi və xalqın mənafeyinin qorunması prinsiplərinə sadiq olan "Uğur media" Xəbər İnformasiya Yayın Agentliyi bu gün öz sələfi olan "Əkinçi"qəzetinə və onun banisi Həsən bəy Zərdabiyə olan mənəvi borcunu əsla unutmur. Mətbuatımızın daş yaddaşı olan "mətbuat günündə" sələfləri önündə hörmətlə baş əyərək, həmkarlarını təbrik edir.
Bayramınız mübarək.