“Yay mövsümündə meşələrdə yanğın təhlükəsizliyi” mövzusunda növbəti təlim keçirilib

Meşə, əkin və biçilmiş taxıl sahələrində yanğınlara qarşı qabaqlayıcı tədbirlərin aparılmasının səmərəliliyini daha da artırmaq, eləcə də qarşılıqlı fəaliyyəti təşkil etmək məqsədilə 23 iyul tarixində Şahdağ Milli Parkının Qəbələ bölməsində təlim keçirilib.
Təlimdə 6 saylı Regional Ekologiya və Təbii Sərvətlər İdarəsinin, Qəbələ Rayon Meşə Təsərrüfatı Mərkəzinin, Şahdağ Milli Parkının, Fövqəladə Hallar Nazirliyi Dövlət Yanğın Nəzarəti Xidmətinin Şimal-Qərb regional Dövlət Yanğın Nəzarəti İdarəsinin, Qəbələ rayon İcra Hakimiyyətinin Tikanlı və Abrıx kənd nümayəndəliyinin əməkdaşları və kənd sakinləri, o cümlədən könüllülər iştirak edib.