"Gənclərin Yay Vətənpərvərlik" düşərgəsi "Gənclər Paytaxtı" Tovuzda start götürüb

Gənclər və İdman Nazirliyi tərəfindən keçirilən "Gənclərin Yay Vətənpərvərlik" düşərgəsi "Gənclər Paytaxtı" Tovuzda start götürüb.
Düşərgənin ilk günündə proqrama əsasən rəsmi açılış tədbiri baş tutub. Sonra istedadlı gənclərin çıxışları ilə bədii hissə baş tutub. Düşərgədə Vətən Müharibəsi Qəhrəmanları Vüsal Yaqubov və Azər Abdullazadə, Vətən müharibəsi qaziləri, sərhədyanı bölgələrin gəncləri ilə yanaşı şəhid və qazi övladları da iştirak edir.
5 gün davam edəcək düşərgədə gənclər "#Canavarlar", "#Aslanlar", "#Şahinlər", "#Mübarizələr", "#Qartallar" komandalarına bölünərək ilkin tanışlıq və təqdimatlar həyata keçirilib.