İqtisadiyyat naziri Mikayıl Cabbarovun ikitərəfli görüşləri davam edir

Rusiya Federasiyasına işgüzar səfəri çərçivəsində Azərbaycanın İqtisadiyyat naziri Mikayıl Cabbarov Moskva şəhərində bu ölkənin İqtisadi inkişaf naziri Maksim Oreşkinlə görüşüb.
Görüşdə ölkələrimiz arasında iqtisadi əlaqələrin genişləndirilməsi, ticarət dövriyyəsinin artırılması, iqtisadi potensialın reallaşdırılması istiqamətində aparılan işlər müzakirə edilib, hər iki dövlətin qarşılıqlı investisiyalarda maraqlı olduğu vurğulanıb. Söhbət zamanı Rusiya işgüzar dairələrinin Azərbaycanda fəal biznes fəaliyyəti həyata keçirdiyi, son illərdə Azərbaycan sərmayədarlarının da Rusiyada regional iqtisadiyyata investisiyalar qoyduğu diqqətə çatdırılıb.
Tərəflər ölkələrimizin işgüzar dairələri arasında əlaqələrin intensivləşdirilməsi, özəl sektorun iqtisadi münasibətlərdə fəallığının artırılması ilə bağlı məsələlərə dair fikir mübadiləsi aparıblar, gələn ay Bakıda Azərbaycan-Rusiya Hökumətlərarası Komissiyasının növbəti iclasının keçirilməsi və bir sıra yeni sənədlərin, o cümlədən iki ölkə arasında 2019-2021-ci illər üzrə turizm sahəsində, eləcə də aqrar sənaye kompleksində əməkdaşlığa dair proqramların imzalanması imkanlarını müzakirə ediblər.
Görüşdə Rusiya dövlət sərhədindən “Yaraq-Qazmalar” buraxılış məntəqəsi ərazisindən Samur çayı üzərində tikilən avtomobil körpüsünün dekabr ayında istifadəyə verilməsi ilə bağlı məsələlər də müzakirə edilib.



Xəbərlər  Tarix:   22 Noy 2019 / 19:50


« Əvvəlki xəbər (4515 / 7293) Növbəti xəbər »
 






DİGƏR MARAQLI XƏBƏRLƏR