Dövlət Əmək Müfəttişliyi Xidməti tərəfindən son bir ildə 8512 vətəndaş müraciəti araşdırılıb

2019-cu ildə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə vətəndaşlar tərəfindən ərizə formasında 8512 müraciət daxil olub.
Vətəndaş müraciətləri daha çox, emal, tikinti, topdan və pərakəndə ticarət, avtomobillərin təmiri, ictimai iaşə və digər sahələrdə əmək münasibətlərinə aid olub. Müraciətlərin araşdırılması zamanı əmək qanunvericiliyinin tələblərinin yerinə yetirilməməsi ilə bağlı 625 hüquq pozuntusu aşkar edilib.
Əsasən əmək haqlarının ödənilməməsi və işçilərin məzuniyyət hüquqlarının pozulması, əmək müqavilələrinin bağlanılmaması, yaxud onun şərtlərinin yerinə yetirilməməsi və s. ibarət olan bu hüquq pozuntularının aradan qaldırılması təmin edilib. Törədilmiş inzibati xətalara görə vəzifəli və hüquqi şəxslər barəsində inzibati qərarlar qəbul edilib.



Xəbərlər  Tarix:   24 Yan 2020 / 22:47


« Əvvəlki xəbər (4199 / 7293) Növbəti xəbər »
 






DİGƏR MARAQLI XƏBƏRLƏR