Teymur Rəcəbov: "Əlimdən gələni etdim"

"Bu turnir üçün Kaissaya (Şahmat ilahəsi) çox təşəkkür edirəm. Əlimdən gələni etdim. İndiyədək ən həyəcanlı turnirlərdən biri idi".
"Report" xəbər verir ki, bu fikirləri "Skilling open" turnirində mübarizəni dayandıran Azərbaycan şahmatçısı Teymur Rəcəbov rəsmi tvitter hesabında yazıb.
33 yaşlı qrossmeyster yarışda çoxlu qələbələr qazandığını xatırladıb: "Uesli So ilə ilk qarşılaşma heyrətamiz idi. Daha sonra isə şansızlıq oldu. Bu turnir şahmatın möhtəşəm bayramıdır".
Qeyd edək ki, Teymur Rəcəbov 1/4 final mərhələsinin tay-breykində ABŞ təmsilçisi Uesli Soya armageddonda uduzub. Rəcəbov daha əvvəl isə erməni şahmatçı Levon Aronyanı məğlubiyyətə uğradıb.