Nazir müavini Qubada vətəndaşları qəbul edib

Əmək və əhalinin sosial müdafiəsi nazirinin müavini Anar Kərimov Quba şəhərində Quba və Qusar rayonlarının sakinlərini qəbul edib.
Onların sırasında şəhid ailələrinin üzvləri və müharibə iştirakçıları da olub.
Vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılıb.
Müraciətlərdə əksini tapan məsələlər yerindəcə araşdırılaraq nəticəsinə uyğun tədbirlər görülüb. Bir sıra müraciətlər sorğu xarakterli olub və vətəndaşlara izahatlar verilib.