“Atasığorta”nın xalis mənfəəti 12 % artıb

“Atasığorta” ASC 2020-ci ili 744 min manat xalis mənfəətlə başa vurub.
“Report” şirkətin maliyyə hesabatına istinadən xəbər verir ki, bu, 2019-ci ilə nisbətən 12,2% çoxdur.
Ötən il “Atasığorta”nın gəlirləri 18,981 milyon manat (illik müqayisədə 28,05% az), xərcləri 18,095 milyon manat (29,6% az), mənfəət vergisi ödəmələri isə 142 min manat (7,3 dəfə çox) təşkil edib.
Bu il yanvarın 1-nə “Atasığorta”nın aktivləri 21,961 milyon manat olub ki, bu da 1 il əvvələ nisbətən 9,85% azdır. Hesabat dövründə şirkətin öhdəlikləri 21,5% azalaraq 11,448 milyon manata düşüb, balans kapitalı isə 7,6% artaraq 10,513 milyon manata çatıb.
Xatırladaq ki, “Atasığorta” 2004-cü ildən fəaliyyət göstərir, "AtaHolding" MMC-yə daxildir. Onun nizamnamə kapitalı 14,6 milyon manatdır. Şirkətin səhmləri 100% adı çəkilən holdinqə məxsusdur.



Xəbərlər  Tarix:   30 Mart 2021 / 12:03


« Əvvəlki xəbər (155 / 4932) Növbəti xəbər »
 






DİGƏR MARAQLI XƏBƏRLƏR

Neft 1%-dək bahalaşıb
14 İyun 2021 / 16:45