Nazirlik tərəfindən bu ilin 9 ayında 361 normativ hüquqi akt layihəsi hazırlanıb

Cari ilin 9 ayında Əmək və Əhalinin Sosial Müdafiəsi Nazirliyi tərəfindən 361 normativ hüquqi akt layihəsi hazırlanıb.
Bu aktlar sosial sahədə aparılan köklü islahatların reallaşdırılmasına, xidmətlərin təkmilləşməsinə, sosial müdafiə sisteminin gücləndirilməsi və bu sistemin, habelə aktiv məşğulluq proqramlarının əhatə dairəsinin genişlənməsinə xidmət edir.
Həmçinin əmək və məşğulluq, sosial müdafiə və sosial təminat sahələrində normativ hüquqi bazanın təkmilləşdirilməsi vacib prioritetlərdən biridir. Yeni normativ hüquqi aktların hazırlanması eyni zamanda bu məqsədə yönəlib.